Zitto Kabwe Awatuhumu Usalama wa Taifa Kwa Kuhusika na Utekaji Wa Wananchi.......Huu ni Mchango Wake Alioutoa Bungeni

makamu mwenyekiti wa chama cha demokrasia na maendeleo chadema, ndugu Ben Saanane amepotea kwa zaidi ya miezi mitano sasa. Hajulikani alipo. Wazazi wake na rafiki zake wamemtafuta na kutoa malalamiko bila mafanikio. Wamefikisha taarifa kwa jeshi la polisi na wamepaza sauti bila kuchoka. 

 

Kuna nyakati suala hili lilionekana la siasa na ndio maana wengine tulikaa pembeni. Lakini sasa ni miezi 6, hakuna taarifa juu ya suala hili, nimeona nisikae kimya juu ya hili.

Taarifa zisizo rasmi zinasema kwamba alishikiliwa na watu wa Idara ya Usalama na amepotezwa. Jeshi la Polisi wana taarifa za mawasiliano ya mwisho ya Ben Saa nane kwa kutumia simu yake ya mkononi, ambayo inaonekana simu ilipoteza mawasiliano akiwa maeneo ya Buguruni siku aliyotekwa tarehe 15/16 Novemba 2016.